PLOS One պարբերականի փոխանցմամբ՝ գիտնականների միջազգային խումբը ստուգել է 2500-ամյա վաղեմության կարթագենցի պատանու գեները:
ԴՆԹ-ի միջոցով պարզվել է, որ տղամարդը պատկանել է եվրոպական հազվադեպ հանդիպող U5b2c1 հապլոխմբին: Ներկայումս այն գրեթե չի հանդիպում (մեկ տոկոսից էլ պակաս):
Հայտնի է, որ կարթագենցիները ծագումով փյունիկացիներ են: Վերջիններս մի շարք գաղութներ են հիմնել Միջերկրական ծովի արևմտյան հատվածում և արդյունքում իրենց են ենթարկեցրել Կարթագենը:
Գիտնականները ստուգել են Լիբանանի (նախկին Փյունիկիայի տարածք) ժամանակակից 47 բնակչի, սակայն նրանց ԴՆԹ-ն ցույց է տվել, որ նրանցից ոչ մեկն էլ չի պատկանում U5b2c1 հապլոխմբին: Այդ խմբի ներկայացուցիչների աճյուններ հայտնաբերվել են Իսպանիայի հյուսիս-արևմուտքում:
