Ռուսաստանի նախագահ Վլադիմիր Պուտինը հայտարարել է, որ Ռուսաստանն ու ԵՄ-ն անլուծելի խնդիրներ չունեն՝ կոչ անելով հրաժարվել «մեկ դարպասի խաղից»։ Այս մասին նա հայտնել է հունական «Կատիմերինի» թերթի հետ հարցազրույցում։
«Կարծում ենք, որ ԵՄ-ի հետ մեր հարաբերություններում անլուծելի խնդիրներ չկան։ Բազմապլան գործընկերության ուղի վերադառնալու համար պետք է պարզապես հրաժարվել «մեկ դարպասի խաղի» արտավոր տրամաբանությունից, գործնականում հաշվի առնել միմյանց կարծիքն ու շահերը»,- ասել է նա։
Նախագահի խոսքով՝ Ռուսաստանն ու ԵՄ-ն մոտեցել են ճամփաբաժանի, երբ անհրաժեշտ է պատասխանել հարցին. «Ինչպիսի՞ն ենք մենք տեսնում մեր հարաբերությունների ապագան, ո՞ր ուղղությամբ ենք պատրաստվում գնալ»։
Ավելի վաղ Եվրախորհրդի նախագահ Դոնալդ Տուսկը հայտարարել էր, որ ԵՄ երկրների առաջնորդները պետք է որոշում ընդունեն մոտ ժամանակներս Ռուսաստանի դեմ պատժամիջոցների գործողության ժամկետի երկարացման վերաբերյալ։
