Twitter-ի բլոգերները հիշել են Pizza Hut ընկերության գովազդը, որում 1990-ական թթ. նկարահանվել է Դոնալդ Թրամփն իր կնոջ՝ Իվանայի հետ, և եզրակացրել են, որ նրա նախորդ հայտարարություններն ու հնարքները խամրում են արարքի ֆոնին, որը նա արել է այդ հոլովակում: Այս մասին հայտնում է lenta.ru-ն:
«Դուք կարող եք ինչ ասես ասել Թրամփի մասին, բայց չեք կարող անտեսել փաստը, որ նա պիցցան ուտում է՝ սկսելով հացից»,- գրել է օգտատերերից մեկը դեռևս մայիսի 16-ին՝ փոստին կցելով պահը, երբ Թրամփը կծում է պիցցան:
Տեսագրությունն աժիոտաժ է առաջացրել միկրոբլոգերների շրջանում: Առանց այն էլ Թրամփին չհամակրող օգտատերերը նշել են, որ այդ արարքն իրենց ստիպել է Թրամփին ավելի ատել: Մյուսները նշել են, որ վստահել մարդու, որն այդպես է պիցցա ուտում, սկզբունքորեն պետք չէ:
Պիցցան այդպես ուտելու համար ամերիկյան ԼԶՄ-ները Թրամփին անվանել են հրեշ, իսկ նրա վարքը՝ ցնցող:
Փոստը մեկնաբանել են նաև մարդիկ, որոնք տեսել են գովազդը, երբ այն ցուցադրվել է հեռուստատեսությամբ: Օգտատերերից մեկը նկատել է, որ այդ տարիներին Pizza Hut-ի պիցցայի հացը պիցցերիաների ցանցի գլխավոր «հաղթաթուղթն» է եղել, քանի որ, ի տարբերություն մյուսների, այն պանրով են լցոնել, չոր չի եղել, իսկ հրապարակման հեղինակը, հավանաբար, չափազանց երիտասարդ է դա հիշելու համար:
