Գյումրու «Թումո Գյումրի» ստեղծարար տեխնոլոգիաների կենտրոնը մեկ տարեկան է: Իր գործունեության մեկ տարին կենտրոնը նշեց մեծ շուքով՝ Գյումրու կենտրոնական հրապարակում: «Թումո» ստեղծարար տեխնոլոգիաների կենտրոնն արտադպրոցական ուսումնական միջավայր է, որտեղ սովորում են 12-18 տարեկան պատանիներ:
«Ունենք 1500 ուսանող, իհարկե այդ թիվը կավելանա, երբ որ տեղափոխվենք մեր հիմնական շենք, արդեն կկարողանանք 3 հազար ուսանողի ծրագրի մեջ ներգրավել,- նշեց «Թումո Գյումրի» կենտրոնի ղեկավար Նարե Ավագյանը:
Ըստ նրա՝ անցած մեկ տարվա ընթացքում Գյումրու Թումոյում տասնյակ դասընթացներ են կազմակերպվել ու անցկացվել: Կենտրոնի պատանիների հետ սեմինար-դասընթացներ են անցկացրել ոչ միայն տեղի, նաև միջազգային մասնագետները:
«Բոլոր երեխաները տաղանդաշատ են, տաղանդավոր են, և «Թումոն» հնարավորություն է տալիս, որպեսզի բացահայտեն իրենց տաղանդը, ավելի գունեղ դարձնեն իրենց քաղաքը՝ իրենց աշխատանքներով և տաղանդով»,- նշեց Նարե Ավագյանը:
Մանրամասները՝ տեսանյութում:
