«800 հեկտարը դա ինչ որ մի գյուղի կեսի չափ է, բայց դուք հաշվի չեք առնում, որ ազատգրված է յոթ շրջան Ղարաբաղի հետ միասին»,- այս մասին ԱԺ-ում լրագրողների հետ զրույցում ասաց ԱԺ ԲՀԿ խմբակցության պատգամավոր Ռուստամ Գասպարյանը՝ անդրադառնալով ՀՀ նախագահ Սերժ Սարգսանի կողմից արված հայտարարությանը, թե հայկական կողմը ԼՂՀ-ում ունի 800 հեկտարի կորուստ:
Նա նաև նշեց, որ այդ տարածքները լուրջ ռազմավարական կարևորություն չունեն հայկական կողմի համար. «Սուտ կլինի ասել, թե լուրջ դերակատարություն ունեն: Ընդամենը մի քանի բարձունք են: Դուք երևի չեք եղել այնտեղ, չեք իմանում: Այ Թալիշը հա, իրանց վերահսկողության տակ է ընկնում: Ես էլ եմ գտնում, որ այդ 2-3 բարձունքների համար, որոնք այսօր ոչ մի նշանակություն չունեն մեզ համար, իմաստ չունի էլի հարյուրավոր զոհեր տալ: Մեծամասշտաբ պատերազմով իմաստ չկա դրանք հետ վերցնելու, կլինի ժամանակ ու հնարավորություն, որ ավելի քիչ կորուստով ու ավելի գեղեցիկ ձևով այդ բարձունքները հետ կվերցնենք»:
Հարցին, թե ո՞վ պետք է պատասխան տա կորցրած տարածքների համար, հաշվի առնելով, որ երկրի նախագահը պաշտոնի անցնելու ժամանակ երդվում է տարածքային ամբողջականությունը պահպանել, նա նշեց, որ պետք չէ մեղավորներ փնտրել: «Իսկ դրա համար ինչ որ պատասխան տվող է պե՞տք, պատերազմ է: Դուք ուզում եք ինչ-որ մեկին մեղավոր ճանաչեք, սրա մեջ մեղավորներ մի փնտրեք, փառք մեր բանակին, որ կարողացավ նման հզոր հարձակումը կասեցնել և խեղդել: Ամբողջ աշխարհում այսօր Ադրբեջանը գլուխը կախ պետք է ման գա, որ իր պլանները ձախողվեցին»,- ընդգծեց Ռ. Գասպարյանը:
Հակադարձելով գեներալ Մանվել Գրիգորյանի թալանի վերաբերյալ ԼՂՀ պատգամավոր Վահան Բադասյանի պնդումների մասին լրագրողի դիտարկմանը՝ Ռուստամ Գասպարյանը նշեց, որ նրա թալանը չի տեսել և այդ մասին ոչինչ չի կարող ասել:
Մանրամասները՝ տեսանյութում: