4+4+4 ձևաչափով ընտրական օրենսգրքի շուրջ իշխանության, ընդդիմության ու քաղաքացիական հասարակության ներկայացուցիչների մասնակցությամբ երկարատև, բայց շատերի կողմից անարդյունք գնահատվող քննարկումներից հետո կառավարության աշխատակազմի ղեկավար-նախարար Դավիթ Հարությունյանը հայտարարեց, որ կոնսենսուսի հնարավոր է հասնել անգամ հունիսի 1-ից հետո, ինչին հետևեց նաև ՀԱԿ խմբակցության ղեկավար Լևոն Զուրաբյանի հայտարարությունը, որը ոչ միայն չբացառեց նախարարի ասածը, այլև հնարավոր համարեց իշխանության հետ հետագա քննարկումները՝ չբացառելով նաև քաղհասարակության ներկայացուցիչների մասնակցությունը:
ԸՕ-ի քննարկումներին մասնակցող քաղհասարակության ներկայացուցիչ «Համագործակցություն հանուն ժողովրդավարության» կենտրոնի նախագահ Ստեփան Դանիելյանը ընդգծում է՝ ԸՕ-ի շուրջ որևէ կոնսենսուս հնարավոր չէ:
Խոսելով Լևոն Զուրաբյանի` իշխանության հետ ԸՕ-ի շրջանակներում համագործակցելու պատրաստակամության ու կոնսենսուսը դեռևս հնարավոր համարելու մասին, Դանիելյանը նկատեց՝ քաղաքական կուսակցությունների առաջնային նպատակը խորհրդարանում հայտնվելն է, քաղաքացիական հասարակությունը, սակայն, նման նպատակ չի հետապնդում:
Լուսանկարը՝ armtimes.com-ի