2015-ի պետական բյուջեով նախագահի աշխատակազմին հատկացվել է 4 մլրդ 580 մլն դրամ, կատարողականը՝ 98.6%: Այս մասին ԱԺ-ում 2015թ-ի բյուջեի կատարողականը ներկայացնելով՝ տեղեկացրել է ՀՀ նախագահ աշխատակազմի ղեկավար Վիգեն Սարգսյանը:
Ըստ Վիգեն Սարգսյանի՝ 2015-ին նախորդ տարվա համեմատ աշխատակազմի ծախսերն աճել են մոտ 10%-ով: Արդյունքներով՝ տնտեսվել և պետական բյուջե է վերադարձվել 64 մլն 729.000 դրամ:
Վ. Սարգսյանը ներկայացրել է ոչ ֆինանսական ցուցանիշերը ևս: 2015 թվականի ընթացքում Սերժ Սարգսյանը կատարել է 20 պետական, պաշտոնական և աշխատանքային այց արտերկիր, հյուրընկալել է մի շարք երկրների նախագահների, ընդունել Հայաստանում գտնվող ավելի քան 40 բարձրաստիճան պաշտոնատար անձանց, ՀՀ այցելած օտարերկրյա այլ նախարարների, պաշտոնատար անձանց, հասարակական գործիչների հետ կայացել է 75 հանդիպում, շուրջ 50 հանդիպում է տեղի ունեցել Հայաստանում հավատարմագրված դեսպանների հետ:
Սերժ Սարգսյանի եւ իր աշխատակազմի գործունեության լուսաբանման վերաբերյալ պատրաստվել է 463 հաղորդագրություն ԶԼՄ-ների համար, լրատվական դաշտի 372 վերլուծություն, president.am կայքում տեղադրվել է 1489 նյութ, կայքի այցելուների թիվը կազմել է 1 միլիոն 911 հազար 882 այցելություն:
Նախորդ տարի ՀՀ քաղաքացիություն է ստացել 10 հազար 468 անձ, որից 3 հազար 156-ը սիրիահայեր են եղել, ՀՀ քաղաքացիությունից դուրս է եկել 2 հազար 476 անձ, հատուկ կացության կարգավիճակ է շնորհվել 576 անձի:
2015 թվականին Սերժ Սարգսյանի կողմից պարգևատրվել է, մեդալներ է ստացել 659 անձ, Սերժ Սարգսյանի մրացանակ է ստացել 46 անձ, իսկ շնորհակալագրով պարգեւատրվել է 103 անձ:
Մանրամասները՝ տեսանյութում: