News Georgia լրատվական գործակալության փոխանցմամբ՝ Բաթումում կկառուցեն Twin Tower հյուրանոցային համալիրը, որն աշխարհում ամենամեծերից մեկն է:
Խոսքը 45 հարկանի երկու մասնաշենքերի կառուցման մասին է, որոնք կունենան 4500 հյուրանոցային համար: Այդ ցուցանիշով այն կդառնա աշխարհի խոշորագույն վեցերորդ համալիրը:
Համալիրի կառուցումը կմեկնարկի հունիսին և կավարտվի 19 ամիս անց: Նախագծի ներդրումային արժեքը գնահատվում է 120 միլիոն դոլար: Նախագիծն իրականացնելու է վրացական ORBI GROUP ընկերությունը:
Համալիրի կառուցման աշխատանքներում կներգրավվի 1500 մարդ, իսկ շահագործման հանձնելուց հետո աշխատանքով կապահովվի 3000 մարդ:
Twin Tower-ի տարածքում կգտնվեն ռեստորաններ, սրճարաններ, առևտրա-ժամանցային կենտրոններ, բաց և փակ լողավազաններ, մարզական օբյեկտներ, սպա սրահ, մանկական հրապարակ, կոնֆերանսի դահլիճներ, ավտոկայանատեղի և այլն:
