Georgia Online-ի փոխանցմամբ՝ Վրաստանի զինված ուժերի 4-րդ մեխանիզացված բրիգադի 12-րդ թեթև հետևակային գումարտակի «Ալֆա» վաշտը ստացել է երկրորդ կարգի գնահատական ու պաշտոնապես մտել ՆԱՏՕ-ի արագ արձագանքման ուժերի (NATO Response Force) կազմում:
Այդպիսով հետագա երեք տարիներին անհրաժեշտության դեպքում վրացական վաշտը կարող է օգտագործվել որոշակի մարտական առաջադրանքներ կատարելու համար, որոնք պահանջում են դաշինքի անհապաղ միջամտություն:
Պետք է ընդգծել, որ «Ալֆա» վաշտը գնահատական է ստանալու ամեն տարի, որպեսզի չկորցնի ՆԱՏՕ-ի արագ արձագանքման ուժերի հետ համատեղելիությունը:
ՆԱՏՕ-ի Response Force-ի մեջ մտնելու մասին փաստաթուղթը կստորագրեն Վրաստանի զինված ուժերի Գլխավոր շտաբի ղեկավարի տեղակալ Օմար Բեգոիձեն, Ազգային գնահատման խմբի ղեկավար Վախթանգ Կարցիվաձեն և ՆԱՏՕ-ի մոնիթորինգային խմբի ղեկավար Դոմինիկ Սեզարը: