Թուրքական Milliyet թերթի փոխանցմամբ՝ Թուրքիայի զինված ուժերը հայտարարել են, որ 2015 թվականի հուլիսի 24-ից մինչև 2016 թվականի մայիսի 23-ն ընկած ժամանակահատվածում սպանվել է «Քրդստանի աշխատավորական» կուսակցության (PKK) 7078 զինյալ:
Թուրքիայի ներսում վնասազերծվել է 3637 զինյալ, որոնցից 2583-ը սպանվել են, 109-ը՝ վիրավոր վիճակում կալանավորվել, 731-ը՝ կալանավորվել են, 214-ը հանձնվել: Թուրքիայից դուրս վնասազերծված PKK-ականների թիվը հասնում է 3441-ի:
Հաղորդվել է, որ միևնույն ժամանակ PKK-ի դեմ պայքարում սպանվել է անվտանգության ուժերի 483 և վիրավորվել 2859 ներկայացուցիչ: Սպանվածներից 296-ը զինվորականներ են, 178-ը՝ ոստիկաններ, 9-ը՝ գյուղական պահապաններ: Վիրավորներից 1568-ը զինվորականներ են, 1257-ը՝ ոստիկաններ, 34-ը՝ գյուղական պահապաններ: