Հանրապետական կուսակցությունից ԱՄՆ նախագահի պաշտոնին հավակնող Դոնալդ Թրամփը հայտարարել է, որ վետերանների համար հավաքել է մի քանի մլն դոլար։
«Չնայած ես պարտավոր չէի դա անել, ես հավաքել եմ 5-6 մլն դոլար, ներառյալ 1 մլն-ը իմ կողմից՝ մեր վետերանների համար»,- գրել է միլիարդատերն իր թվիթերյան էջում։
Մեկ այլ գրառմամբ նա տեղեկացրել է, որ գումարի մեծ մասն արդեն բաշխվել է, մնացած միջոցները նույնպես կուղղվեն տարբեր կազմակերպությունների։
«Զարմանալի է, որ վետերանների համար հավաքած ողջ գումարի դիմաց ես ստացա միայն անազնիվ և նողկալի ԶԼՄ-ների վատ հրապարակումները»,- հավելել է Թրամփը։