Ղարաբաղաադրբեջանական քառօրյա պատերազմի ընթացքում ադրբեջանական կողմի մի քանի 100 մետր առաջխաղացման հետևանքով արցախյան կողմը կորցրեց մոտ 800 հեկտար տարածք: Այս փաստը հաստատեց նաև նախագահ Սերժ Սարգսյանը՝ Վիեննայից վերադարձի ճանապարհին:
Սերժ Սարգսյանի՝ կորսված տարածքի ռամզավարական ու մարտավարական նշանակություն չունենալու մասին հայտարարությունը հաստատեց նաև ԱԺ ՀՀԿ խմբակցության ղեկավար Վահրամ Բաղդասարյանը, նաև հավելելով, որ այդ 800 հեկտարը ամայի տարածքներ էին:
ԼՂՀ ԱԺ փոխխոսնակ Վահրամ Բալայանը մասամբ կիսում է այն տեսակետները, որ կորսված տարածքները ռազմավարական մեծ նշանակություն չունեին, սակայն, միևնույն ժամանակ ընդգծում է, որ այդ տարածքներում կային դիրքեր, որոնք իրենց կյանքի գնով փորձել են պահպանել զինվորները:
ԼՂՀ ԱԺ «Ժողովրդավարություն» խմբակցության ղեկավար Վարդգես Բաղրյանն ընդգծում է, որ անկախ կորսված տարածքների չափերից, դրանք արցախցիների հայրենիքի մի մասն են՝ հավելելով, որ պատերազմի ժամանակ լինում են և՛ ձեռքբերումներ, և՛ կորուստներ:
ԼՂՀ ԱԺ «Ազգային վերածնունդ» կուսակցության ղեկավար Հայկ Խանումյանն էլ նկատում է. «Ինչպե՞ս կարող է ոչ ռազմավարական համարվել այն տարածքը, որտեղից Թալիշի տների 70 տոկոսը տեսանելի և խոցելի են հրազենային զենքով»:
Մանրամասները՝ տեսանյութում: