ԱԺ-ում ճեպազրույցների ժամանակ հարցին՝ Զարուհի Փոստանջյանը հայտարարեց, որ հայ ժողովրդի ամենամեծ սպառնալիքը մնում է Սերժ Սարգսյանը, քանի որ սպասարկում է հող հանձնելու քաղաքականությունը, ինչպե՞ս կարձագանքեք դրան՝ ՀՀԿ խմբակցության ղեկավար Վահրամ Բաղդասրյանը պատասխանեց.« Սերժ Սարգսյանը սպասարկում է հայ ժողովրդի շահերը: Ես չգիտեմ՝ Զարուհի Փոստանջյանն ում շահերն է սպասարկում»:
Հարցին՝ համաձա՞յն եք, որ վերջին 22 տարում հայկական կողմը առաջին անգամ հող կորցրեց, Վահրամ Բաղդասարյանը պատասխանեց. «Նաև համաձայն եմ այն մտքի հետ, որ վերջին հազարամյակների ընթացքում առաջին անգամ հայկական կողմը 90-ական թվականներին հող ձեռքբերեց, և բնականաբար նման իրադարձությունների ժամանակ այդ հող կորցնելը մի քիչ վերացական հասկացողություն է:
Պետք է խոսենք՝ ինչ կարոցրեց, և եթե չկորցներ, ինչ կշահեր դրանից, և եթե դա հետ վերցնենք, դրանից ինչ կկորցնենք մենք: Ինձ թվում է, որ դրան պետք չի այդպիսի նշանակություն տալ, եթե անհրաժեշտություն լինի, ես բացահայտ հայտարարում եմ բոլորիդ մոտ՝ դա մեկ-երկու օրվա խնդիր էր, այդ ամեն ինչը վերադարձնելը, բայց դրա արդյունքները և դրա հետևանքները կարող էր շատ ծանր լինել և հարկավոր է ավելի խորամիտ լինել, այդ հետևանքների մասին մտածել, ոչ թե այն հողը, որն ընդհանրապես որևէ ռազմավարական նշանակություն չունեցող, չմշակվող, ամայի տարածք էր, որի մասին ընդհանուր առմամբ մենք երկար ենք խոսել և դեռ պետք է շարունակենք խոսել: Ինձ թվում է պետք չէ ծանրանալ այդ խնդրի վրա»:
Մանրամասները՝ տեսանյութում: