Լուսանկարը՝ Photolure-ի
«Ավետիսյանների ընտանիքի դաժան սպանության միակ մեղադրյալ Վալերի Պերմյակովի սատանիստ լինելու վարկածը չի հիմնավորվում»,- մեզ հետ զրույցում, հղում անելով Պերմյակովի նախաքննական ցուցմունքներին և դատարանում նրա պահվածքին, ասում է տուժողի իրավահաջորդի ներկայացուցիչ, իրավապաշտպան Արթուր Սաքունցը:
«Արդեն դատական նիստերի ընթացքում սատանայի հետ համաձայնագիր կնքելու վերաբերյալ կասկածները, որ առաջին դատական նիստի ժամանակ հնչեցվեց դահլիճում, որևէ կերպ չի հիմնավորվում, ավելին՝ քննությունը չի գնում այդ ուղղությամբ: Քննարկվող հարցերը որևէ առնչություն չունեն սատանայի հետ համաձայնագիր կնքած լինելու փաստական հանգաանքի կամ այդպիսի մտադրության հետ»,- ասաց Ա. Սաքունցը:
Նույն կարծիքին է նաև հոգեբան Արշակ Գասպարյանը, ով ընդգծում է, որ Պերմյակովի նախաքննական ցուցմունքներում նշված երևույթներն այդքան էլ կապ չունեն սատանայապաշտ լինելու հետ:
Նրա խոսքով՝ Պերմյակովի արարքի մեջ դեռևս չի երևում այնպիսի արտասովոր եղանակ, որը բնորոշ է սատանայապաշտներին:
Դիտարկմանը, թե գուցե նա փորձել է թաքցնել իր սատանայապաշտ լինելու հանգամանք, Ա. Գասպարյանն արձագանքեց. «Եթե նա սատանայապաշտ լիներ, նրա վարքի մեջ կդրսևորվեր: Թող ցույց տան մեկին, որը կմատնանշի 4-5 վարքային բաղադրիչը, որը կվկայի նրա սատանայապաշտության մասին»:
«Եթե ասեին, որ ինչ-որ մեկը սպանել է յոթ հոգու, ինչպե՞ս կարձագանքեիր». այս հարցին ի պատասխան Պերմյակովը նշել է. «Կասեի խելագար է, բայց ես այդպիսին չեմ»:
Մանրամասները՝ տեսանյութում: