Նավթի համաշխարհային գները երեքշաբթի շարունակում են ակտիվորեն աճել Կանադայից և Նիգերիայից նավթի մատակարարումների խափանման ֆոնի վրա, վկայում են առևտրի տվյալները: Այդ մասին հայտնում է RIA Novosti-ն:
Երևանի ժամանակով 21.03 դրությամբ` Brent նավթի հուլիսյան ֆյուչերսների արժեքը աճել է 3.48%-ով՝ հասնելով մեկ բարելի դիմաց 45.15 դոլարի: WTI նավթի հունիսյան ֆյուչերսների գինը աճել է 2.07%-ով` մեկ բարելի դիմաց մինչև 44.34 դոլարի:
Կանադայի Ալբերտա նահանգում մայիսի սկզբներին սկսված խոշոր հրդեհների հետևանքով երկրի մի շարք ընկերություններ ստիպված են եղել կրճատել նավթի արդյունահանումը:
Կանադային զուգահեռ` Նիգերիայում նույնպես կրճատվել է նավթի արդյունահանումը:
