Brent մակնիշի հյուսիսծովյան նավթային խառնուրդի մեկ բարելի հուլիսյան ֆյուչերսների արժեքը գերազանցել է 46 դոլարը՝ հայտնում է Bloomberg գործակալությունը։
Գործակալության տվյալներով՝ գինն աճում է Սաուդյան Արաբիայի նավթարդյունահանման հարցերով նախարար Ալի Ալ-Նուայմիին հեռացնելու սաուդցի թագավորի որոշման, ինչպես նաև Կանադայի նավթարդյունահանող շրջաններում տարածվող անտառային հրդեհների ֆոնին։
Թագավոր Սալման իբն Աբդուլ-Ազիս Ալ Սաուդը պաշտոնանկ է արել Ալ-Նուայիին, որը նավթարդյունահանման հարցերով նախարար է եղել ավելի քան 20 տարի՝ թագավորության կառավարությունում մասշտաբային վերադասավորումների շրջանակում։
Նրա տեղը զբաղեցրել է Խալիդ Ալ-Ֆալիհը՝ երկրի խոշորագույն նավթային ընկերության ղեկավարը։ Եվ քանի որ նավթարդյունահանման հարցերով նախարարությունը վերացվել է թագավորի հրամանով, Ալ-Ֆալիհը զբաղեցրել է էներգետիկայի, արդյունաբերության և հանքային պաշարների հարցերով նախարարի պաշտոնը։