ՆԱՏՕ-ն անհանգստացած է, որ այս տարի Աֆղանստանում կակաչի լավ բերքը կարող է նպաստել «Թալիբան» ծայրահեղական շարժման ֆինանսավորման ավելացմանը: TASS-ի հաղորդմամբ՝ այս մասին հայտնել է Աֆղանստանում դաշինքի հրամանատարության ներքո իրականացվող Resolute Support առաքելության պաշտոնական ներկայացուցիչ գեներալ Չարլզ Քլիվլենդը: Հեռուստակամրջի միջոցով նա ճեպազրույց է անցկացրել Պենտագոնի մամլո կենտրոնում հավաքված լրագրողների հետ:
«Մենք անհանգստացած ենք այդ (կակաչի մեծ բերքից): Ակնհայտ է, որ կակաչը «Թալիբանի» համար ֆինանսական միջոցների աղբյուր է,- նշել է նա:- Մենք անհանգստացած ենք կակաչի լավ բերքի շնորհիվ թալիբների մեծ եկամուտներ ստանալու հնարավորությունից»:
Քլիվլենդի խոսքով՝ բերքահավաքն ավարտվում է այս շաբաթ, և դաշինքը «ծայրահեղականների կողմից աֆղանական ուժերի վրա հնարավոր հարձակումների աճ է սպասում»: