ՀՀ կառավարությունը դրական եզրակացություն է տվել «Ժառանգություն» խմբակցության պատգամավոր Զարուհի Փոստանջյանի և Հայ ազգային կոնգրես խմբակցության պատգամավոր Հրանտ Բագրատյանի հեղինակած՝ Արցախի ճանաչման օրինագծին:
Այս առնչությամբ ՀՀԿ խմբակցության ղեկավար Վահրամ Բաղդասարյանը «Առաջին լրատվական»-ի հետ զրույցում ասաց. «Ապրիլյան դեպքերից հետո մենք այս հարցը օրակարգից չենք հանում: Բայց ես կարծում եմ, որ այս պահին պետք չէ շտապողականություն ցուցաբերել: Մենք խոստացել ենք և խոստանում ենք, որ այս մասին առաջինը կլսեք հանրապետության նախագահի շուրթերից, ինչը մենք չենք բացառում, եթե չբավարարվեն մեր ներկայացրած պայմանները: Եվ եթե նորից նմանատիպ երևույթներ կրկնվեն, արդեն, բնականաբար, իրավիճակ կփոխվի»:
Վահրամ Բաղդասարյանը ընդգծեց, որ հայկական կողմը կողմնակից է հարցի խաղաղ բանակցային կարգավորմանը, որի հիմնական նպատակն է Արցախի ինքնորոշման ճանաչումը և բանակցային սեղանին ԼՂ վերադարձը:
