Ֆրանսիայի ԱԳ նախարար Ժան-Մարկ Էրոն հայտարարել է, որ Սիրիայի նախագահ Բաշար Ասադի կառավարությունը կրում է ամբողջական պատասխանատվություն Հալեպի շրջանում կրակի դադարեցման ռեժիմի խափանման համար, հայտնում է Reuters-ը: Այդ մասին դիվանագետը ասել է Բեռլինում Սիրիայի ճգնաժամի հարցով բանակցությունների ժամանակ:
«Այն, ինչ տեղի է ունենում Հալեպում, ողբերգություն է, որը պահանջում է անմիջական արձագանք: Դա սարսափելի դրամա է, որի արդյունքում շատ զոհեր են գոյանում: Դամասկոսի իշխանությունները կրում են ամբողջական պատասխանատվություն հրադադարի ռեժիմի խափանման, կանանց, երեխաների և բժիշկների սպանության, հիվանդանոցների վրա հարձակումների համար»,- հայտնել է Էրոն: