Լուի տնային կրիայի համար տերը կառուցել է Յուրայի ժամանակաշրջանի պարկի կրկնօրինակը հոլիվուդյան համանուն ֆիլմից, հայտնում է Entertainment Weekly-ն:
Կրիային և նրա նոր բնակարանին նվիրված տեսաձայնագրությունը YouTube-ում հրապարակվել է մայիսի 2-ին, սակայն արդեն հավաքել է 200 հազար դիտում: Հոլովակն ուղեկցվում է Welcome to Jurassic Park երաժշտությամբ: Փոքրիկ պարկի տարածքում կա լողավազան, զբոսաշրջիկներին օգնելու կենտրոն և ֆիլմի հանրահայտ դարպասները: