Եվրամիությունը հանդես է գալիս ղարաբաղյան հակամարտության բացառապես խաղաղ կարգավորման օգտին, հայտարարել է Եվրոպական հարևանության քաղաքականության և ընդլայնման բանակցությունների հարցերով հանձնակատար Յոհաննես Հանը Պրահայում չորեքշաբթի Հայաստանի ԱԳ նախարար Էդվարդ Նալբանդյանի հետ հանդիպման ընթացքում: Այդ մասին հայտնում է RIA Novosti-ին:
Ինչպես հայտնել է Հայաստանի ԱԳՆ մամլո ծառայությունը, քննարկման գլխավոր թեման եղել է ղարաբաղյան գոտու իրադրությունը: «Ընդգծվել է, որ հակամարտությունը չունի ռազմական լուծում: Հանը նշել է, որ ԵՄ-ը կօժանդակի ԵԱՀԿ Մինսկի խմբի համանախագահների ջանքերին` ուղղված հակամարտության բացառապես խաղաղ կարգավորմանը»,- հայտնել են Հայաստանի ԱԳՆ-ում:
Իր կողմից Նալբանդյանը ներկայացրել է Հայաստանի և ԵԱՀԿ Մինսկի խմբի համանախագահների համատեղ ջանքերը «հաղթահարելու ադրբեջանական կողմի ագրեսիայի հետևանքները՝ ձևավորելու բանակցային գործընթացի նորացման բարենպաստ մթնոլորտ»:
Նրանք նաև քննարկել են Հայաստան-ԵՄ հարաբերությունը և ընդգծել փոխշահավետ համագործակցություն զարգացնելու կարևորությունը: