Ամերիկյան ընկերությունները սկսել են հեղուկացված բնական գազի մատակարարումներն Ասիա, Եվրոպա և Հարավային Ամերիկա։ Այս մասին ճապոնական գործարար Nikkei պարբերականին տված հարցազրույցում հայտարարել է ԱՄՆ էներգետիկայի նախարար Էռնեստ Մոնիսը, ով մայիսի 1-2-ը Ճապոնիայում մասնակցել է G7-ի էներգետիկայի նախարարների հանդիպմանը։ Նրա խոսքով՝ Ասիա, Եվրոպա և Հարավային Ամերիկա են ուղարկվել արդեն առնվազն 6 հածանավեր՝ փոխանցում է TASS գործակալությունը։
Մոնիսը տեղեկացրել է, որ տվել է Ճապոնիա տարեկան 80 մլն տոննայի մատակարարման թույլտվություն։ Ճապոնիան աշխարհում հեղուկացված բնական գազի խոշորագույն գնորդն է։ Դա համապատասխանում է երկրում հեղուկացված բնական գազի տարեկան սպառման ծավալին։ Արտահանման նման ծավալներ դեռևս չեն ապահովվի, սակայն ԱՄՆ-ը մտադիր է անշեղորեն ավելացնել մատակարարումները։
Նա նաև կողմ է արտահայտվել հեղուկացված բնական գազի շուկայական գները սահմանող բորսայի կազմակերպման Տոկիոյի ծրագրերին:
