Պատերազմը Սիրիայում չի դադարի, քանի դեռ Բաշար Ասադը գտնվում է իշխանությունում, հայտարարել է ԱՄՆ պետքարտուղար Ջոն Քերին: Այդ մասին հայտնում է RIA Novosti-ն:
«Ասադը պետք է հասկանա, որ պատերազմը չի ավարտվի: Քանի դեռ Ասադը գտնվում է իշխանությունում, ընդդիմությունը կպայքարի նրա դեմ»,- ասել է Քերին:
«Մենք այդ մասին պարզ ասել ենք Ռուսաստանին և Իրանին: Եվ դա արել ենք ոչ միայն մենք: Բանակցությունների բոլոր մասնակիցներն ասում են, որ պատերազմը Ասադի օրոք չի կարող ավարտվել, քանի որ Ասադն ի վիճակի չէ երկիրը միավորելու»,- ասել է Քերին: