Բրիտանական Sky News հեռուստաալիքը հաստատում է, որ իր տրամադրության տակ են հայտնվել ԴԱԻՇ-ի ենթադրյալ գաղտնի փաստաթղթերը, որոնց համաձայն Դամասկոսը իբր այդ կազմակերպության հետ կապեր է պահպանում:
Հեռուստաալիքի լրագրողները հատուկ թողարկման ժամանակ հայտարարել են, որ ԴԱԻՇ-ի որոշ դասալիքների միջոցով նոր նամակներ են ստացել` որպես լրացում անցյալ ամսում փոխանցված 22 հազար փաստաթղթերի:
Նոր փաստաթղթերի համաձայն՝ Պալմիրան կառավարական զորքերին է վերադարձվել իբր մի շարք պայմանավորվածությունների շրջանակներում: Այլ պայմանավորվածությունների մեջ, որոնց մասին հեռուստաալիքը հայտնում է` հղում կատարելով անվավեր փաստաթղթերին, նշված է նաև նավթի փոխանակումը պարարտանյութերի հետ, սիրիական բանակի զորքերի հարձակումից առաջ ԴԱԻՇ-ի կողմից վերահսկվող որոշ շրջաններից բնակչության տարհանումը և այլն:
Հեռուստաալիքը հաստատում է, որ նմանատիպ նախկին նյութերը դուրս են եկել վավեր:
«Դասալիքները և քաղաքացիական անձինք, որոնց հետ զրուցել է Sky News-ը երկար ամիսներ, պնդում են, որ խոսքը գնում է ոչ թե պարզապես կապերի մասին, այլ տարբեր հակազդող ուժերի լայն համագործակցության մասին, այդ թվում` Սիրիայի և Իրաքի կառավարությունների»,- ասված է ռեպորտաժում:
Նոր փաստաթղթերի համաձայն` ԴԱԻՇ-ը իրականացրել է զինյալների հավաքագրում և նախապատրաստում արևմտյան երկրներում ահաբեկչություն կատարելու նպատակով ավելի վաղ, երբ դա նկատել են հատուկ ծառայությունները:
«Այդ տվյալները լրացուցիչ հիմք են տալիս ընդունելու ԱՄՆ-ում եղած մտավախությունները, որ Եվրոպայում ստեղծված են «քնած» ահաբեկչական բջիջներ, որոնք դեռևս հայտնաբերված չեն, և որոնք պլանավորում են ահաբեկչություններ` նման Փարիզում և Բրյուսելում տեղի ունեցածներին»,- նշում է հեռուստաալիքը: