«Կունենանք սրացման փուլ. ստատուս քվոն պահպանելը հնարավոր չէ: Ադրբեջանը անցել է նոր մարտավարության»,- այս մասին «Առաջին լրատվական»- ի հետ զրույցում ասաց քաղաքագետ Միքայել Զոլյանը:
Նրա կարծիքով՝ Ադրբեջանը չի ցանկանում լայնամասշտաբ պատերազմ, քանի որ դա չափազանց ռիսկային է. «Նման իրավիճակում Ալիևի նպատակն է սադրանքների միջոցով ստիպել Հայաստանին գնալ զիջումնների: Հայկական կողմը պետք է հստակեցնի իր մարտավարությունը ոչ թե հույսը դնի ստատուս քվոյի պահպանման վրա»:
Թե ինչ պետք է ձեռնարկել, քաղաքագետի դիտարկմամբ, այնքան էլ պարզ չէ: Նա ակնհայտ է համարում մեկ բան. պետք է հակահարված տալ Ադրբեջանի սադրանքներին՝ թեկուզ դիվանագիտական ճանապարհով:
Նրա խոսքով՝ պետք է որպես ռազմավարական խնդիր դրվի Լեռնային Ղարաբաղի անկախության ճանաչումը և աշխատանք պիտի տանել այդ ուղղությամբ, այլ ոչ թե սպասել, թե երբ միջազգային հանրությունն ինքը կճանաչի: Պետք է նաև հստակ մեսիջ ուղարկել, որ եթե Ադրբեջանը շարունակի ռազմական սադրանքների միջոցով բանակցությունների վրա ազդելու իր քաղաքականությունը, ապա մենք կարող ենք ճանաչել նաև Լեռնային Ղարաբաղի անկախությունը:
Քաղաքագետի կարծիքով՝ խնդրի կարգավորման միակ ուղին Մինսկի խմբի ձևաչափն է, չնայած Ադրբեջանը փորձում է այլընտրանքային ուղիներ:
Մանրամասները՝ տեսանյութում:
