Ադրբեջանը շարունակում է ղարաբաղա-ադրբեջանական սահմանագոտում զորքերի տեղաշարժ իրականացնել և զորքերի վերջին կուտակումներն ավելի մեծ են, քան ապրիլի առաջին օրերին: Այս մասին մամուլի ասուլիսի ժամանակ հայտարարեց պաշտպանության նախարարի մամուլի խոսնակ Արծրուն Հովհաննիսյանը:
Ա. Հովհաննիսյանը նշեց, որ նկատվել է ավելի մեծ զորախմբերի տեղաշարժ, սակայն այլ մանրամասներ նա չի կարող ասել: Հովհաննիսյանը շեշտեց, որ հակառակորդի զորքերի տեղաշարժը հայկական հետախուզության ուշադրության կենտրոնում է:
Խոսելով ապրիլյան պատերազմի ժամանակ հետախուզության գործողությունների մասին, նա նշեց, որ թեև ինչ-որ մասով կարելի է մեղադրել այն, սակայն անընդհատ կենտրոնանալ թեմայի վրա սխալ է:
«Չորսօրյա մարտական գործողությունների ընթացքում տեղի են ունեցել այնպիսի քայլեր, այնպիսի մարտական դրվագներ, որ հետախուզության շնորհիվ կանխարգելիչ այնպիսի հարվածներ են հասցվել, որ եթե հետախուզությունը չլիներ, պատերազմը կարող էր այլ ընթացք ստանալ», – ասաց Ա. Հովհաննիսյանը:
Մանրամասները՝ տեսանյութում: