«Խոսքը ոչ թե իրավիճակի կարգավորման, այլ սրման մասին է: Իզուր չէ, որ այս իրադարձություններն անվանվեցին չորսօրյա պատերազմ, կոնֆլիկտը, ըստ էության, սրվեց միջին և բարձր ինտենսիվությամբ՝ երկու կողմերից զոհերով: Ադրբեջանական կողմը, որը բացարձակապես կառուցողական մոտեցում չի ցուցաբերում, հիմա անցել է ռազմական գործողությունների և շարունակում է պրովոկացիաները: «Առաջին լրատվական»-ի հետ զրույցում ասաց քաղաքագետ Ալեքսանդր Մարկարովը:
Ա. Մարկարովի դիտարկմամբ՝ միջազգային հանրությունը որոշ չափով ունի իր պատասխանատվության չափը այս ամենի մեջ, ինչը տեղի է ունենում, որովհետև պարբերաբար կոռեկտ արտահայտություններ հնչեցնելը պարզապես նպատակասլաց բնույթ չէին կրում, և Ադրբեջանը չէր զգում, որ այդ ամենը վերաբերում է հենց իրենց: Միջազգային հանրությունը պարտականություն ունի ներկայացնել իր դիրքորոշումը ոչ միայն կոնֆլիկտի վերաբերյալ, այլ այն կողմի նկատմամբ, որը, ըստ էության, հանդես է գալիս կոնֆլիկտի չսառեցման ուղղությամբ:
Քաղաքագետի խոսքով՝ քանի դեռ ռազմական գործողությունները շարունակվում են, շատ բարդ է խոսել զուգահեռ ընթացող բանակցային խաղաղ գործընթացի մասին:
Անդրադառնալով Սերժ Սարգսյանի կողմից առաջ քաշված՝ Ադրբեջանի հետ բանակցությունները վերսկսելու երեք պայմաններին՝ Ա. Մարկարովը նշեց, որ բանակցությունները կարող են վերսկսվել, եթե ադրբեջանական կողմը՝ Ալիևը, ստիպված լինի խնդրել այդ մասին: Նրա կարծիքով՝ դա կարող է տեղի ունենալ երեք դեպքերում. «Դա կապված է այն իրավիճակի հետ, որ կա Ադրբեջանի ներսում, երկրորդը՝ դա պայմանավորված կարող է լինել միջազգային հանրության կողմից արձագանքով, և երրորդ՝ պոտենցիալ երկկողմանի ազդանշաններն են, որոնք ուղղված են դեպի Ալիևի վարչակարգը»:
Մանրամասները՝ տեանյութում: