Starslife.ru-ի փոխանցմամբ՝ Lemonade նոր ալբոմը, որը Բեյոնսեն թողարկել է նախորդ շաբաթ, բացահայտել է նրա հոգեվիճակը: Դրանում նա պատմել է հոր կողմից ծաղրանքի ենթարկվելու, ինչպես նաև ամուսնու՝ Ջեյ Զիի դավաճանության մասին:
ԶԼՄ-ները որոշել են զարգացնել դավաճանության թեման և արդեն նշել են հավանական թեկնածուներին, որոնց հետ Ջեյ Զին կարող է դավաճանած լինել Բեյոնսեին: Ամենահավանական թեկնածուներ են համարվում Ռիտա Օրան, Ռիհաննան ու Ռեյչել Ռոյը:
Սակայն Քարին Ստեֆանսը որոշել է թույլ չտալ զրպարտել անմեղ աղջիկներին և պատմել է, որ ինքն է եղել երգչի սիրուհին: 37-ամյա կինը ծավալուն հարցազրույց է տվել՝ նշելով, որ ավելի քան 15 տարի առաջ՝ 2000 թվականին, կապված է եղել Բեյոնսեի ամուսնու հետ, թեև դա երկար չի տևել:
Ստեֆանսն ու Ջեյ Զին ծանոթացել են նրա տեսահոլովակի նկարահանումների ժամանակ, ապա դա վերածվել է սիրավեպի, ինչը, սակայն, երկար չի տևել: Ստեֆանսի խոսքով՝ Ջեյ Զին օրական իրեն վճարել է 2500 դոլար, և դա արել է միայն նրա համար, որպեսզի ինքը գեղեցիկ զգեստով պարի նրա կողքին: