Սիրիական բանակը աշխարհազորի աջակցությամբ հետ է մղել «Ջաբհաթ ան-Նուսրա»-յի և նրա դաշնակից այլ խմբավորումների զինյալների գրոհը Հալեպի արևմուտքում, RIA Novosti-ին հայտնել է աղբյուրը Հալեպի աշխարհազորից:
««Նուսրա»-յի ահաբեկիչները և նրանց դաշնակիցները փորձել են հարձակվել բանակի և աշխարհազորի դիրքերի վրա Հալեպի արևմուտքում: Հարձակումն այնքան մեծ էր, որ զինվորականներին հարկ եղավ խնդրել Սիրիայի ռամաօդային ուժերի աջակցությունը, որոնց հարվածներով սպանվել են տասնյակ զինյալներ»,- պատմել է գործակալության զրուցակիցը:
Հաղորդվում է, որ քաղաքը գրոհվել է միանգամից հինգ ուղղություններով, սակայն ավիացիայի հարվածներից հետո ահաբեկիչները հետ են քաշվել: