Լեռնային Ղարաբաղի հակամարտության կարգավորման Մադրիդյան սկզբունքներում ամրագրված դրույթներն այնպես չէ, որ անսահման երջանկացրել են Հայաստանի իշխանություներին: ԱԺ-ում լրագրողների հետ ճեպազրույցում ասել էր ԱԺ փոխնախագահ Հերմինե Նաղդալյանը՝ անդրադառնալով ՍերԺ Սարգսյանի վերջին հարցազրույցին, որտեղ նա ասել էր, որ Հայաստանը դեմ չի եղել 2011 թվականին զորքերը հանել Արցախի 5 շրջանից:
Հերմինե Նաղդալյանի հնչեցրած խոսքը դարձել է այս օրերին ամենաքննարկվող թեման: Ֆեյսբուք-ում խումբ է ստեղծվել, պահանջում են Հ. Նաղդալյանի հրաժարականը: Զրույցը հայտնվել է նաև ադբեջանական մամուլի թիրախում:
Հիշեցնենք՝ նա լրագրողների հետ ճեպազրույցում մասնավորապես նշել էր. «Մենք ասում ենք, որ մենք գնում ենք փոխզիջման. մեր փոխզիջումը ոչ թե 5 գրավյալ տարածքներն են, այլ Մադրիդյան սկզբունքների ամբողջական համալիրը, որտեղ մենք ներկայանում ենք որպես մեր խաղաղ, ինքնիշխան պետության համար պայքարող ժողովուրդ, մենք չենք պայքարում ձեր հողերի համար, մենք պայքարում ենք մեր խաղաղ, ինքնիշխան պետության համար: Դրա համար մենք ընդունում ենք, որ երբ որ կընդունվի, կլինի հանրաքվեն և կընդունվի կարգավիճակի մասին որոշում, և աշխարհը կընդունի Ղարաբաղի անկախությունը, մենք ձեր հողերը կամ այն հողերը, որոնց վրա մենք այսօր այդ իրավունքը չունենք, մենք այդ հողերը չենք ուզում: Սա մեր «բուֆերնի զոնան» է և սա մեր անվտանգության երաշխիքն է»,- ասաց Հերմինե Նաղդալյանը:
«Ես համարում եմ, որ այս ամենում կա թյուրիմացություն, և այս թյուրիմացությունը կապված է նրա հետ, որ հաճախ խոսքից անջատում են մի նախադասություն, մի միտք, որն ամբողջական չէ, որը կտրված է ամբողջ գաղափարից և ամբողջական խոսքից, այդ միտքը փորձում են պտտեցնել և դրա վրա կառուցել ստեր, և այդ ստերի վրա կառուցել մեկնաբանություններ, եզրակացություններ: Սա անընդունելի գործելակերպ է»,- պարզաբանեց Հերմինե Նաղդալյանը: Նրա խոսքով՝ հիշյալ զրույցը և իր պատասխանը վերաբերում էր բացառապես 2010-2011թթ-ների իրողություններին:
Հերմինե Նաղդալյանը «Ոչ մի թիզ հող» սկզբունքը ակտուալ է համարում և դիմում է իր հրաժարականը պահանջողներին. «Մեկը հարցնող լինի այսօրվա մեծ-մեծ խոսացողներին՝ որտե՞ղ էիք արցախյան պատերազմի օրերին…»:
Մանրամասները՝ տեսանյութում: