Խորհրդարանը ապրիլի 28-ին 98 կողմ, 9 դեմ և 5 ձեռնպահ քվեարկությամբ առաջին ընթերցմամբ ընդունեց Ընտրական օրենսգրքի նախագիծը: Քվեարկությունից առաջ պատգամավորներին հնարավորություն չտրվեց վարման կարգով ելույթով հանդես գալ:
ԱԺ պետաիրավական մշտական հանձնաժողովի նախագահ Հովհաննես Սահակյանի դիտարկմամբ՝ կանոնակարգ օրենքի խախտում չի եղել. վարման կարգով խոսքի իրավունք տրվել է քվեարկությունից հետո:
«Առաջին լրատվական»- ի հետ զրույցում, անդրադառնալով Հերմինե Նաղդալյանի տեսակետին, և այն փաստին, որ Ադրբեջանը թիրախավորել է նրա հետ հարցազրույցը, Հովհաննես Սահակյանը նշեց, որ «Մի թիզ հող չզիջել» սկզբունքն ակտուալ է և միշտ էլ գործում է:
«Մենք մշտապես նշել ենք, որ ԼՂ խնդիրը, եթե նույնիսկ դե յուրե նայենք, մենք չէ, որ պետք է որոշենք, մենք Արցախի անվտանգության երաշխավորն ենք: Արցախի ժողովուրդը կայացած պետության ժողովուրդ է, որը պետք է որոշի իր ճակատագիրը:
Ընդհանրապես միջազգային իրավունքի մեջ դոմինանտ է այն մոտեցումը, որ տվյալ տարածքում ապրող բնակչությունը պետք է որոշի, թե ինչ կարգավիճակով է ուզում ապրել, և որոշելու միակ ձևը հանրաքվեն է»:
Մանրամասները՝ տեսանյութում: