ԱՄՆ-ը ճնշում է ԵՄ-ին, որպեսզի բլոկը զիջումների գնա գյուղատնտեսական արտադրանքի արտահանման հարցում: Այս մասին գրում է Sueddeutsche Zeitung-ը:
ԱՄՆ-ի և ԵՄ-ի միջև ազատ առևտրի և ներդրումային գործընկերության մասին համաձայնագրի ստորագրման շուրջ բանակցությունների հետ կապված գաղտնի փաստաթղթերի համաձայն՝ Վաշինգտոնը սպառնում է կրճատել ավտոմեքենաների ներմուծումը ԵՄ-ից ԱՄՆ, եթե զիջումների չգնա ամերիկյան գյուղատնտեսական արտադրանքի ներկրման ոլորտում, մասնավորապես՝ եթե նա չվերանայի սակագները:
Բացի դրանից՝ պարբերականի տեղեկությամբ՝ ԱՄՆ-ը ցանկանում է հասնել բլոկում արգելված բաղադրիչներով արտադրանքի ԵՄ արտահանման թույլտվության, որոնց թվում են գենային-մոդիֆիկացված մթերքներն ու հորմոններով մշակված միսը:
