Իրանական IRNA լրատվական գործակալության փոխանցմամբ՝ Իրանն ու Հարավային Կորեան պայմանավորվել են ուղիղ ավիաչվերթներ սկսելու շուրջ: Թեհրանի ու Սեուլի միջև ուղիղ ավիաչվերթը կբացվի մինչև տարեվերջ:
Համապատասխան պայմանավորվածությունը ձեռք է բերվել Իրանի ու Հարավային Կորեայի տրանսպորտի նախարարներ Աբբաս Ախունդիի ու Կան Հոյի հանդիպման ժամանակ: Կան Հոն ընդգծել է, որ երկու երկրները մտադիր են երկու հուշագիր ստորագրել երկաթուղային տրանսպորտի վերաբերյալ:
Փաստաթղթերը ստորագրվելու են Հարավային Կորեայի նախագահ Պակ Կին Հեի կողմից Իրան այցի ժամանակ: Պակ Կին Հեն կդառնա Իրան այցելած Հարավային Կորեայի առաջին նախագահը:
