Երկուշաբթի Էստոնիայում կմեկնարկեն ՆԱՏՕ-ի Spring storm խոշոր զորավարժությունները, որոնց նախատեսվում է ներգրավել 6000 զինծառայող: Կիրակի Էստոնիայի Պաշտպանության ուժերի գլխավոր շտաբը հայտնել է, որ մանևրերը կտևեն մինչև մայիսի 19-ը՝ հաղորդվում է գերատեսչության կայքում:
Հաղորդվում է նաև, որ կներգրավվի «դաշինքի 10 անդամ-երկրներից» զորախումբ, այդ թվում՝ Նիդերլանդներից, ԱՄՆ-ից, Մեծ Բրիտանիայից և Գերմանիայից: Spring storm մանևրերը կանցկացվեն Ռուսաստանին սահմանակից «Պիլվամաա, Տարտումաա և Վիրումաա արևելյան գավառներում»՝ ասվում է մամլո հաղորդագրության մեջ:
Կայքում նշվում է, որ զորավարժություններին «կներգրավվեն «Սու-22» կործանիչ-ռմբակոծիչներ՝ Լեհաստանից, ԱՄՆ-ից կմասնակցեն F-15 կործանիչներ, CH-47 Chinook մարտական-տրանսպորտային ուղղաթիռներ և Bell V-22 Osprey կոնվերտոպլաններ»: