7days.ru-ի փոխանցմամբ՝ երգիչ Փրինսի մահվանից անցել է մեկ շաբաթից քիչ ավելի, սակայն նրա անունը չի հեռանում մամուլի էջերից: Վերջին նորությունն այն է, որ, իբր, գտնվել է նրա ժառանգը:
Ոմն 30-ամյա ամերիկացի հայտարարել է, որ ինքը Փրինսի արտամուսնական կապից ծնված որդին է: Ընդ որում՝ նա տրամադրված է շատ վճռականորեն և պատրաստ է անցնել ԴՆԹ թեստ:
Ըստ ամենայնի՝ նրա հավակնություններն ընդհանրապես անհիմն չեն, քանի որ այդ դեպքով հետաքրքրվել են միջազգային կազմակերպությունները, որոնք մասնագիտացած են ժառանգորդների որոնումների վրա:
Եթե պարզվի, որ երիտասարդը, որի անունը դեռ չի հրապարակվում, իրականում երգչի որդին է, ապա նա ունի բոլոր հնարավորությունները՝ ստանալու երգչի 300 միլիոն դոլարանոց ժառանգությունը: