Բեյոնսեին մեղադրում են «գրագողությա» մեջ՝ հայտնում է starslife.ru-ն:
Մառլին Օրտիզ անունով մի աղջիկ իր ինսթագրմայն էջում հրապարակելով երգչուհու պարի հատվածով կարճ տեսանյութ՝ հայտարարել է, որ նա անամոթաբար յուրացրել է որոշ շարժումներ De La Guarda և El Descueve պարային շոուներից:
«Ես հարգում եմ տաղանդավոր մարդկանց արվեստը… և ես չեմ սիրում սոցցանցերն օգտագործել բացասական տեղեկություն տարածելու համար… Բայց Բեյոնսե, Դուք Ձեզ թույլ եք տվել յուրացնել իրական ստեղծագործական հանճարի խորեոգրաֆիան»,- ասվում է հաղորդագրության մեջ:
Այնուհետև Մառլինը թվարկում է պարողների անունները, որոնցից, իր կարծիքով, Բեյոնսեն «սովորել է» պարել, և նշում է, որ «նրանց արվեստով ոգեշնչվելը լիովին թույլատրելի է, բայց գողանալը լավ չէ»: «Դուք պետք է առնվազն ջանքեր գործադրեիք այդ պարերը վերարտադրելու իրավունք ստանալու համար»,- ասում է Օրտիզը:
Բեյոնսեի երկրպագուն, սակայն, հայտարարել է, որ պարողները, որոնք, իբր, երգչուհու կատարած պարերի հեղինակներն են, անդամներն են այն խմբի, որի հետ Բեյոնսեն շրջագայել է: Ուստի «գրագողության» մասին խոսք լինել չի կարող: