«Հա՛մ կուլանք, հա՛մ հպարտ ենք»,- Շիրակի մարզի Մեծ Մանթաշ համայնքում բոլորը միաբերան այս խոսքերն են կրկնում. այս գյուղում են բնակվել ավագ լեյտենանտներ Մոնթե Եղոյանն ու Արգիշտի Գաբոյանը և իրենց կրտսեր գործընկեր սերժանտ Արման Անդրեասյանը, ովքեր ապրիլյան քառօրյա պատերազմում մինչև վերջին շունչը կռվել և զոհվել են հանուն հայրենիքի:
25-ամյա ավագ լեյտենանտ Արգիշտի Գաբոյանն այն հերոսն է, որի մարմինն Ադրբեջանը հանձնեց ապրիլի 25-ին՝ ամենավերջինը և խոշտանգված:
Հերոսի հայրը՝ Արծվիկ Գաբոյանը, որ 1988-ից մասնակցել է արցախյան ազատամարտին, ավագ լեյտենանտ է, վերջերս պայմանագրային ծառայության էր անցել: Որդու զոհվելուց առաջ նրանք հանդիպել են Թալիշի դիրքերում:
«Ամեն վայրկյան նրա վերջին հայացքն է, նրա պինդ մարմինը՝ գրկիս մեջ»,- հիշում է հայրը:
Արգիշտին ավարտել է Վազգեն Սարգսյանի անվան ռազմական ինստիտուտը, այս տարի՝ մայիսի 9-ին, նրա երազանքներից մեկն իրականություն պիտի դառնար. զորամասում Վ. Սարգսյանի անվան թանգարան պիտի բացվեր նրա ջանքերով:
Մանրամասները՝ տեսանյութում: