Ինչո՞ւ են այս օրերին սահմանը պաշտպանում բացառապես անապահով ընտանիքների զավակները. սահմանային բախումից հետո հասարակության շրջանում հասուանացած այս հարցը քննարկման մեծ ալիք է բարձրացրել: Սեյրան Օհանյանն արձագանքել է՝ նշելով դրա օբյեկտիվ պատճառը. ՊՆախարարը կարծում է, որ բարձրագույն կրթություն ստացողները, գիտական թեզեր պաշտպանողները, ասպիրանտուրայում սովորողները հիմնականում միջին և բարձր խավի ընտանիքներից են:
ԱԺ-ում նախատեսվում է քննարկման ներկայացնել նախագիծ, որով համընդհանուր հավասարության մթնոլորտ ստեղծելու միտում կա. 18 տարին լրացած տղաները՝ անկախ այն հանգամանքից՝ վճարովի համակարգով են սովորում, թե անվճար, բոլորը պետք է զորակոչվեն բանակ:
Գերագույն խորհրդի նախկին պատգամավոր Ազատ Արշակյանը դեմ է օրինագծին, կարծում է, որ բանակը նրանց կարիքը չունի. «Քրեաօլիգարխիկ տարրերը ճիշտ կլինի՝ չգնան բանակ. որտեղ նրանք կան, մեր կյանքը վատ է, որտեղ չկան, մենք հաղթում ենք»:
Մանրամասները՝ տսանյութում: