Տեխաս նահանգի Էլ-Պասո քաղաքի զվարճանքների պարկում 16-ամյա աղջիկը ընկել է ատրակցիոնի խցիկից և մահացել: Այս մասին հայտնում է Korrespondent.net-ը՝ հղում անելով ամերիկյան ԶԼՄ-ներին:
Նշվում է, որ 15-18 տարեկան երեք աղջիկներ ատրակցիոն էին նստել: Որոշ ժամանակ անց նրանցից երկուսը ընկել են խցիկից:
16-ամյա աղջիկը, բախվելով մետաղյա ցանկապատին, մահացել է: Մյուս աղջիկը ծանր վնասվածքներով տեղափոխվել է հիվանդանոց: Երրորդ աղջիկը մնացել է խցիկում և չի տուժել:
Ոստիկանությունը պարզում է դեպքի պատճառները: