ԱՄՆ նախագահ Բարաք Օբաման իր նախագահության տարիներին այդպես էլ չկարողացավ մշակել ահաբեկչության դեմ պայքարի ռազմավարություն: Այդպես է արտահայտվել ԱՄՆ Կոնգրեսի զինված ուժերի հարցերով կոմիտեի ղեկավար, հանրապետական Ջոն Մակքեյնը, հայտնում է TASS-ը:
«Ցավոք սրտի պարզ է դարձել, որ այս նախագահը չունի ոչ մի ռազմավարություն` ընդունակ կանգնեցնելու աշխարհում այդ քաոսը և արյունոտ սպանդները: ԱՄՆ-ի ազգային հետախուզության տնօրեն Ջեյմս Քլեպերի խոսքերով` աշխարհը երբեք չի առճակատվել այդքան մեծ քանակությամբ ճգնաժամերի և փախստականների թվի հետ, որոնց հետ մենք գործ ունենք այսօր: Ճգնաժամը Մերձավոր Արևելքում այդպես էլ չկարգավորվեց»,- հայտնել է Մակքեյնը:
Կապված այն բանին, որ երկրի նախագահը հայրենիք վերադարձրեց տարածաշրջանում տեղավորված ամերիկյան զորքերը, ԴԱԻՇ-ը դարձավ ավելի ուժեղ: Ահաբեկչությունը տարածվեց և «հասավ Փարիզի, Բրյուսելի, Սան Բերնարդոյի փողոցներ»: «Դա հանգեցրեց միգրացիոն ճգնաժամին, որը անկայունացրեց Եվրոպան և բաժանեց Արևմուտքը: Դա Վլադիմիր Պուտինին հնարավորություն տվեց Ռուսաստանի կարգավիճակը հաստատել ինչպես համաշխարհային գերտերություն` Սիրիայի իրադրությանը միջամտելու շնորհիվ: Եվ դա Ամերիկայի ընկերներին և թշնամիներին ամբողջ աշխարհում ստիպեց չվստահել մեր խոսքին, կասկածել մեր որոշումների վրա և կասկածել մեր պարտականությունները»,- ասել է նա:
Օբամայի արձագանքը ԴԱԻՇ-ի գործողություններին նա անվանել է «դանդաղ և անբավարար»: «Ստրատեգիական մակարդակով միշտ այնպես է թվում, որ մենք հայտնվում ենք մի քայլ հետ և գործում ենք չափազանց ուշ և թույլ»:
Մակքեյնը կրկին քննադատել է Օբամային այն բանում, որ նա Ուկրաինայի հակամարտության երկու տարվա ընթացքում ուկրաինացիներին չի տվել անհրաժեշտ զենք ինքնապաշտպանության համար:
