Ֆենոմենալ ազգ ենք. հավատի պես մնայուն ենք, հանրապետության պես անկայուն, և՛ փախնում ենք, և՛ վերադառնում, և՛ գնում ենք, և՛ գալիս: Իսկական դեղատոմս տալ հնարավոր չէ,- Առաջին լրատվական»-ի հետ զրույցում նշեց կինոռեժիսոր, պրոդյուսեր Հարություն Խաչատրյանը: Նա հանդիսատեսի դատին է հանձել «Փակուղի» ֆիլմը, որի հայաստանյան պրեմիերան օրերս ցուցադրվեց «Մոսկվա» կինոթատրոնում: «Փակուղին» հեղինակի «Անվերջ փախուստ, հավերժ վերադարձ» շարքի երկրորդ ֆիլմն է:
Երկու ֆիլմերի գլխավոր հերոսներից մեկը Ռուսաստան, մյուսն ԱՄՆ է գաղթել: Հարություն Խաչատրյանը շուրջ 25 տարի հետևել է իր հերոսներ կյանքին, ներկայացնում է նրանց կյանքի և ընտանիքի տարբեր հանգրվանները:
Մարդիկ, ժողովուրդ, փախուստ, վերադարձ։ Ինչո՞ւ են մարդիկ փախչում իրենց արմատներից։ Ազգային նկարագի՞ր է, թե՞ ` ժամանակի պատրանք։ Հեղինակը փորձում է այս հարցերի պատասխանը տալ:
Հ. Խաչատրյանի հերոսների հիմնական դժբախտությունը մեկն է. անհայրենք լինելը. հերոսներն անարմատ, անընկեր, անտուն ապրող մարդիկ են: Կինոռեժիսորը հավատում է կինոյի ուժին և հույս ունի, որ իր ֆիլմերը հայրենիք կվերադարձնեն հեռացողներին և մտածելու տեղիք կտան՝ հեռանա՞լ հայրենիքից, թե՞ ոչ:
Մանրամասները՝ տեսանյութում: