Թուրքական Dünya Bülteni լրատվական կենտրոնի փոխանցմամբ՝ Էգեյան ծովում լարվածություն է առաջացել Հունաստանի ու Թուրքիայի միջև: Այդ մասին հայտնել է հունական www.protothema.gr կայքը:
Վերջինիս հաղորդմամբ` լարվածությունն առաջացել է Հունաստանի ու Թուրքիայի առափնյա պահպանման ծառայությունների միջև: Թուրքական լրատվամիջոցը հայտնել է, թե հույն ձկնորսները մուտք են գործել թուրքական ջրեր, ինչից հետո գործին միջամտել են երկու երկրների առափնյա պահպանման ծառայությունները:
Նրանց մոտորանավակները մոտ երկու ժամ կանգնած են մնացել դեմ դիմաց, ինչից հետո վերադարձել են իրենց տարածքային ջրեր, որով և վերջ է տրվել լարվածությանը: Միջադեպը գրանցվել է Հիոս (թուրքական անվանումը` Սաքըզ) կղզու մոտ:
