Հայաստանի Հանրապետության արտաքին գործերի նախարարությունը երեկ հայտարարություն է տարածել, այն մասին, որ ՄԱԿ-ի Գլխավոր ասամբլեայում ապրիլի 25-ին և Անվտանգության խորհրդում տարածվել է ս.թ. ապրիլի 14-ի Ադրբեջանի հերթական սադրիչ նամակը, որտեղ փորձ է արվում, պատասխանատվությունը Հայաստանի վրա դնելով, միակողմանիորեն չեղարկել 1994թ. մայիսի 12-ին Ադրբեջանի, Լեռնային Ղարաբաղի և Հայաստանի միջև ստորագրված զինադադարի եռակողմ անժամկետ համաձայնագիրը։
«Իհարկե վտանգ կա դրա մեջ: Բոլոր կողմերը պարտավոր են հարգելու ձեռք բերված բոլոր պայմանագրերը և համաձայնությունները, իսկ չեղարկելը ուղղակի պատերազմի վերսկսում է»,- այս մասին «Առաջին լրատվական»- ի հետ զրույցում ասաց ԲՀԿ խմբակցության պատգամավոր Արագած Ախոյանը:
«Կարծում եմ՝ միջազգային հանրությունը քնած չէ, բավականին ակտիվ գործունեությանուն ենք ծավալում: Այսօր եմ վերադարձել Հունաստանից, Սպարտայում ելույթ ունենալով՝ ասացի, որ ԼՂ հարցը պետք է դիտարկել Մերձավոր Արևելքում այսօր ընթացող գործընթացների համատեքստում: Կարծում եմ՝ պիտի զարգացնենք այս գաղափարը»:
Անդրադառնալով 5 տարածքների վերադարձման տարբերակով խնդրի լուծման տարբերակին՝ Ա. Ախոյանը նշեց, որ ուժեղների հետ են հաշվի նստում, պետք է ուժեղացնենք մեր պետությունը, և մեր ձեռքով մեր խնդիրները լուծենք. «Մեր հալալը ուտենք, ուրիշի հարամը մեզ պետք չի, նվաճողական հայտարարություններից պետք է զերծ մնանք»:
Մանրամասները՝ տեսանյութում:
