Հանրապետական կուսակցությունից ԱՄՆ նախագահի պաշտոնին հավակնող միլիարդատեր Դոնալդ Թրամփը ստիպված է եղել անցնել ցանկապատի ճեղքով՝ Կալիֆոռնիայում կողմնակիցների հետ հանդիպմանը հայտնվելու համար։ Այս մասին հայտնում է The New York Times-ը։
Միլիարդատերը ստիպված է եղել շրջանցել, քանի որ շենքի մոտ, որում նա պետք է ելույթ ունենար, հավաքվել էին հարյուրավոր՝ ագրեսիվ տրամադրված ներգաղթյալներ, ովքեր թափահարում էին Մեքսիկայի դրոշները։
Թրամփի թիկնազորը նրա ավտոշարասյունը տարել է շենքի հակառակ կողմը և օգնել թեկնածուին անցնել ցանկապատի ճեղքի միջոցով։
«Ինձ մոտ այնպիսի զգացողություն էր՝ կարծես սահման հատեցի»,- ասել է հանրապետականը հանրահավաքի ժամանակ։
Թրամփն ավելի վաղ Մեքսիկայի ներգաղթյալներին հանցագործ էր անվանել։ Նրա կարծիքով՝ ԱՄՆ են գալիս վատ մեքսիկացիները։ Նման միգրացիան Թրամփը խոստացել է դադարեցնել։
