«Կոնսենսուսի մասին խոսելը բացարձակ սուտ է: Մինչև քվեարկությունը թույլ չտվեցին արտահայտվել, քվեարկեցին, որից հետո նոր փորձում էին շտկել իրավիճակը, բայց միևնույն է, ապօրինությունն արդեն տեղի էր ունեցել: Փաստորեն այս նախագիծը ընդունվեց ՀՀ ԱԺ կանոնակարգի կոպիտ խախտմամբ: «Առաջին լրատվական»- ի հետ զրույցում ասաց «Ժառանգություն» կուսակցության պատգամավոր Զարուհի Փոստանջյանը՝ անդրադառնալով երեկ ԱԺ-ի կողմից Ընտրական օրենսգրքի ընդունման գործընթացին:
Զարուհի Փոստանջյանի դիտարկմամբ՝ իշխանությունը չի ուզում փոխվել. «Երեկ դուք տեսաք իրենց ողջ ոհմակային հմայքը, ինչպես էին եկել. ոհմակը եկավ, իր փայաբաժինը հոշոտեց, այդ պահին քվեարկեց: Ես հենց այնպես չասացի, որ բերման են ենթարկել զանգվածին, և կար խնդիր նաև ընդմիջման հետ կապված. ոհմակը եկավ իր փայաբաժին քվեարկությունը, այսինքն՝ կոճակներ սեղմելը սեղմեց և անմիջապես հեռացավ: Երեկ կրկին ցույց տվեցին իրենց դեմքը: Հետևաբար ոհմակից սպասել դրական դրսևորումներ բացարձակ միամտություն է, նույնիսկ կարելի է ասել՝ անթույլատրելի է մեզ՝ սպասել և չգործել»:
Մանրամասները՝ տեսանյութում: