«Եվրոպան կմեռնի, եթե փակեն Բրենները», «Բրեններյան ճգնաժամն աճում է», «Բրեններն ուզում են փակել»՝ ուրբաթ այսպիսի վերնագրերով հոդվածներ են հրապարակվել գերմանական ԶԼՄ-ներում: Թերթերը քննարկում են Ավստրիայի և Իտալիայի միջև լեռնանցքի՝ հիմնական տրանզիտային երթուղու, սահմանային վերահսկողության մուտքի ծրագրերը: Այս մասին գրում է RIA Novosti-ն:
Մոտ 1,4 կմ երկարությամբ Բրեններ լեռնանցքը արևմտյան Եվրոպայի ամենակենտրոնական ավտոմոբիլային տրանսպորտային հանգույցներից մեկն է: Բրեններն ամենակարևոր ավտոմոբիլային երթուղին է Ավստրիայի և Իտալիայի միջև:
Ավստրիան, ինչպես ԵՄ մյուս երկրները, միգրացիոն ճգնաժամի մեջ է: Վիեննան ավելի վաղ արդեն հայտարարել է, որ ցանկացած ժամանակ պատրաստ է վերականգնել սահմանային վերահսկողությունը մայրուղում՝ կախված փախստականների հոսքի մասշտաբից:
Հայտարարելով սահմանային վերահսկողությունը վերականգնելու մտադրության մասին՝ Ավստրիան ընդգծել է, որ համագործակցություն է սպասում նաև իտալական կողմից: Ըստ Վիեննայի՝ միգրանտները չպետք է առանց վերահսկողության Բրեններով Ավստրիա հասնեն Իտալիայից:
Իտալիան հարևանի ծրագրերը քննադատում և սահմանային վերահսկողության հնարավոր վերականգնումը համարում է «դեն նետված գումար», ինչպես արտահայտվել է Իտալիայի ՆԳՆ ղեկավար Անջելինո Ալֆանոն:
