Ադրբեջանական APA լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը Բաքվում հանդիպել է Մալթայի արտգործնախարար Ջորջ Վելայի հետ, ինչից հետո կազմակերպվել է համատեղ մամուլի ասուլիս:
Մամեդյարովը դրա ժամանակ հայտարարել է, որ իրենք շփումների մեջ են ԵԱՀԿ Մինսկի խմբի համանախագահների հետ, և որ նրանց հետ հանդիպումը կարող է տեղի ունենալ հաջորդ ամսվա կեսին՝ Եվրոպայի քաղաքներից մեկում անցկացվելիք միջոցառման շրջանակներում:
«Ես նույնպես տվել եմ հանդիպման համար իմ համաձայնությունը: Այն հավանաբար տեղի կունենա Բրյուսելում: Մոտ ժամանակներս կհաղորդենք ավելի մանրամասն տեղեկատվություն»,- տեղեկացրել է նա: