ԱԺ նիստում նախօրեին Նիկոլ Փաշինյանն զարմանք հայտնեց, որ «ընտրություններում փող և մուրաբա բաժանողները ազգի դավաճան են հանում ընտրություններում փող և տուկի թել բաժանողներին, իսկ նրանք էլ դատափետում են փող և ատամի պրոթեզ բաժանողներին:
Հարցին՝ դուք այդտեղ իսկապես աբսուրդ չե՞ք տեսնում, որ 20 տարվա ընտրակեղծիքներից է խոսում Վարդան Օսկանյանը, մուրաբա բաժանողը խոսում է ընտրակաշառքից՝ ՕԵԿ պատգամավոր Հովհաննես Մարգարյանն այսօր ԱԺ-ում լրագրողների հետ ճեպազրույցում պատասխանեց.
«Ընդհանրապես կաշառք չենք բաժանել: Մենք միշտ տարել ենք մեր վստահության քվեն. դա եղել է վստահության քվե: Ձեր առջև նստած է գյումրեցի պատգամավոր, ով տասնյակ հազարավոր ձայն է ստացել: Ոչ ես, ոչ ՕԵԿ որևէ պատգամավոր ընտրակաշառք չի բաժանել: Հարցը կարող եք ուղղել հասցեատերերին: Մենք միշտ դեմ ենք եղել նման մոտեցմանը: Գրոշներով չպետք է գնել պատիվ, արժանապատվություն և գրոշներով չպետք է վաճառել երեխաների ապագան: Հարց տվողը դուք եք, դուք էլ գիտեք, որ նման բան չի եղել:
Լրագրողի դիտարկմանը, որ նման բան եղել է, Հ. Մարգարյանը պատասխանեց. « Դա հերթական զրպարտությունն է մեր հասցեին:Մենք մեր կուսակիցներին կանանց տոների առթիվ, Նոր տարվա և ցանկացած առիթով բաժանել ենք, և հետագայում էլ կշարունակենք բաժանել: Մենք մեր համակուսակիցներին ենք բաժանել, մեղավոր չենք, որ հարյուր- հազարավոր կուսակիցներ ունենք»:
Մանրամասները՝ տեսանյութում: