«Մինչև ապրիլյան պատեազմը ՀՀ քաղքականությունը և դիվանագիտությունը ձախողվել են, եթե տարիներ շարունակ չես վարում պատշաճ քաղաքականություն, դա հանգեցնում է պատերազմական գործողությունների: Մենք այս պահի դրությամբ քաղաքական դաշտում շարունակում ենք մեր ձախողումները»,- այսօր ԱԺ ճեպազրույցների ժամանակ ասաց «Ժառանգության» պատգամավոր Զարուհի Փոստանջյանը։
Զ. Փոստանջյանի դիտարկմամբ՝ Ադրբեջանի կողմից 1996թ. զինադադարի մասին պայմանագրի չեղարկումը ուղերձ է այն մասին, որ Ադրբեջանը շարունակելու է լայնածավալ պատերազմական գործողությունները: «Այս ուղերձին պետք է տրվեր քաղաքական պատասխան: Մենք արդեն իսկ պետք է ունենայինք ՀՀ կողմից ճանաչված Արցախի Հանրապետություն և ամեն ինչ անեինք, որ ԼՂՀ-ն ճանաչվեր նաև այլ պետությունների կողմից: Մենք այս պահի դրությամբ փաստորեն նորից ձախողում ենք գրանցում: Այս ձախողումը հավասարազոր է դավաճանության»,- ասաց Զ. Փոստանջյանը։
Նա նաև նշեց, որ մենք պիտի այլընտրանք փնտրենք, օրինակ, ռուսական զենքին, որը դեռ տեղ չի հասել։ «Սպառազինությունների գնման հիմնադրամում գումար չկա։ Այդ գումարներն ունեն մեր պաշտոնյաները,- ասաց Զ. Փոստանջյանը հավելելով, որ առաջին ներդրողը պետք է լիներ Սերժ Սարգսյանը»:
Մանրամասները՝ տեսանյութում:
