Ազգային ժողովն առաջին ընթերցմամբ ընդունեց Ընտրական օրենսգրքի նախագիծը: Ընտրական օրենսգրքի նախագծին կողմ քվեարկեց 98, դեմ՝ 9, ձեռնպահ՝ 5 պատգամավոր:
Քվեարկության նման պատկերը, ԱԺ պետաիրավական հարցերի մշտական հանձնաժողովի նախագահ Հովհաննես Սակհակյանի կարծիքով, այնքան էլ անակնկալ չէր: Նրա գնահատմամբ՝ ԸՕ նախագծի քվեարկությունը վկայում է այն մասին, որ կա կոնսենսուս: Հ. Սահակյանի խոսքով՝ ԸՕ-ն այդքան ձայներով ընդունելը բավականին խոստումնալից է և պարտավորեցնող:
«Այս ընթացքում մենք իսկապես աշխատել ենք մեր գործընկերների հետ, քննարկումներ են եղել և՛ մինչև լիագումար նիստերը, և՛ լիագումար նիստերի ընթացքում, մենք ոչ միայն հրապարակային ենք քննարկել, այլ նաև ընդմիջումների ժամանակ, նաև աշխատանքային տարբերակով, փորձել ենք գնտնել ոսկե միջինը»,- «Առաջին լրատվական»- ի հետ զրույցում ասաց Հովհաննես Սահակյանը:
Քվեարկությունից հետո որոշ պատգամավորներ դժգոհում էին, որ նիստը նախագահողները պատգամավորներին հնարավորություն չտվեցին համաձայն ԱԺ կանոնակարգ օրենքի՝ ելույթ ունենալ, այսինքն՝ վարման կարգով խոսել նաև քվեարկությունից առաջ: Նրանք նշում էին, որ ԸՕ նախագիծն ընդունվել է կանոնակարգի խախտմամբ:
Հովհաննես Սահակյանի հավաստմամբ՝ կանոնակարգի խախտում չի եղել, քանի որ ԱԺ կանոնակարգ օրենքի համապատասխան հոդվածի համաձայն՝ պատգամավորները վարման կարգի վերաբերյալ կարող են ելույթ ունենալ քվեարկությունից առաջ կամ հետո:
Մանրամասները՝ տեսանյութում:
